العجائن,جينواز
المقادير:
150غ فرينة مغربلة
150غ سكر
ملعقة صغيرة خميرة الحلوى
5 بيضات
فانيليا
الطريقة:
في وعاء. نخفق البيض مع السكر بالمضرب الكهربائي مدة حوالي 10 دقائق حتى
يتضاعف الحجم. ثم نضيف الفانيليا و الفرينة تدريجيا حتى نتحصل على خليط ثم
نفرغه في القالب و ندخلها الفرن على نار متوسطة حتى يصبح لونها ذهبيا. ثم
نستعملها.
بالصحة و الراحة
العجائن,عجينة الجينواز
المقادير:
10 بيضات
300غ فرينة
ملعقة محسن الكيك
فنجان ماء دافئ
1 كيس خميرة كيميائية
فانيليا
الطريقة:
بالمضرب الكهربائي. نخلط المكونات حتى نتحصل على خليط ثم نفرغه في
القالب(أي شكل) و ندخلها الفرن على درجة حرارة 180 درجة مدة 30 دقيقة. ثم
نستعملها.
الكريمات,كريمة الفرولة
المقادير:
500غ فرولة
125غ سكر
1ملعقة أكل نشاء
50غ زبدة
الطريقة:
في الخلاط. نطحن الفرولة ثم نضيف لها السكر والنشاء ونخلطها جيدا ثم نضعها
في كسرونة(طاوة) و نضعها فوق النار ونحركها دون انقطاع حتى تعقد ثم ننزعها
من فوق النار ونفرغها في كسرونة اخرى ونتركها حتى تبرد ونضيف لها 50غ زبدة
و مكعبات صغيرة من الفرولة. ثم نستعملها.
العجائن,عجينة السابلي
المقادير:
125غ زبدة
ملعقتين كبيرتين سكر ناعم
ملعقة صغيرة فانيليا
1ملعقة كبيرة ماء
الفرينة حسب الحاجة
طريقة التحضير:
نخلط المكونات و نضيف الفرينة تدريجيا حتى نتحصل على عجينة. بعدها نتركها ترتاح نصف ساعة. ثم نستعملها.
الصلصات,صلصة طماطم للتزيين
المقادير:
ثوم و بصل مهروسين
طماطم بشكل مكعبات
طماطم مصبرة
الطريقة:
في كسرونة(طاوة) على النار. نضع البصل و الثوم المهروسين و نضيف الزيت و
الملح و الفلفل الأسود و ورقة رند و الطماطم المكعبة. ثم نضيف الطماطم
المصبرة و قليل من الماء. و نستعملها.
العجائن,عجينة مورقة
المقادير:
750غ فرينة
80غ زبدة جيدة
كأس صغير حليب بارد
ملعقة سكر
ملعقة ملح
ملعقة صغيرة خميرة الحلوى
بيضتان
ماء بارد للعجن
زبدة التوريق
الطريقة:
في الخلاط. نخلط المواد الجافة و الزبدة جيدا ثم نضيف بيضة و الحليب و
نضيف الماء البارد تدريجيا حتى نتحصل على عجينة طرية. نزن العجينة فنجدها
تقريبا 200كغ يعني أن وزن الزبدة يكون ثلث العجينة 400غ. نبسط زبدة التوريق
على ورقة الطهي. و نبسط العجينة و نضع الزبدة فوقها و نبسطها قليلا حتى
تلتصق ثم نلف العجينة حتى نتحصل على حربوش(أسطوانة). ندوره عموديا ثم نطويه
من اليسار الى اليمين و من اليمين الى اليسار ثم نبسطها(العجينة) و نضعها
في الثلاجة مدة ساعة. ثم نستعملها.
العجائن,عجينة مورقة
المقادير:
500غ فرينة
375غ زبدة التوريق
10غ ملح
كأس صغير زيت
نصف لتر ماء
الطريقة:
في الخلاط. نضع الفرينة و الزيت و الملح و الماء تدريجيا حتى تتماسك
العجينة. بعدها نبسط العجينة و نتركها ترتاح قليلا. بعدها نبسطها بالحلال
ثم نبشر فوقها الزبدة ثم نغلق (مثل الظرف) و نضربها بالحلال ثم نبسطها
بالبدء من الوسط ثم نطوي الجهتين المتقابلتين بالعرض منها
ثم
نطويها الى اثنين و ندخلها الثلاجة مدة 15 دقيقة. بعدها نكرر نفس العملية
(نبسطها بالبدء من الوسط ثم نطوي الجهتين المتقابلتين منها و لكن بالطول (و
بعدها بالعرض و بعدها بالطول يعني 3 مرات) ثم نطويها الى اثنين و ندخلها
الثلاجة مدة 15 دقيقة). ثم نستعملها.
العجائن,عجينة مورقة للكرواصون و البوتي بان و ...
المقادير:
ملعقة كبيرة خميرة الخبز
بيضة
زبدة التوريق
500غ فرينة
نصف كأس زيت
ملعقتين كبيرتين سكر
ملعقتين حليب غبرة
1 كيس خميرة الحلوى
حليب دافئ
ملعقة صغيرة ملح
الطريقة:
في الخلاط. نضع كل المقادير(الا زبدة التوريق) ثم نضيف الحليب الدافئ حتى
تتماسك العجينة و تصبح طرية. ثم نتركها تختمر جيدا. نضع الزبدة على النار
حتى تذوب. نقطع العجينة الى 8 كرات بحجم واحد. نبسط الكرات بالحلال حتى
تصبح دوائر بحجم واحد و ندهنهم بالزبدة الذائبة و نضعهم فوق بعضهم (الا
الدائرة الأخيرة لا ندهنها) و ندخل هذه العجينة الى الثلاجة مدة 10 دقائق. و
بعدها تبسط بالحلال ثم تستعمل.
تارتات,تارتوليت بالليمون
المقادير:
العجينة:
250غ زبدة طرية
كأس سكر ناعم
2 بيض
فانيليا
نصف كأس نشاء
فرينة
كريمة الليمون:
كأس ماء
عصير 2 حبتين ليمون
5 ملاعق كبيرة سكر
2 صفار بيض
ملعقتين نشاء
ملعقتين زبدة طرية
المرنغ(meringue):
2 بياض بيض
رشة ملح
ملعقتين عصير ليمون
125غ سكر
الطريقة:
الكريمة:
في كسرونة. نخلط المكونات جيدا ثم نضعها على النار حتى تعقد. ثم نضيف الزبدة.
المرنغ:
نخلط المكونات بالمضرب الكهربائي و نضيف السكر تدريجيا حتى نتحصل على كريمة المرنغ.
العجينة:
في وعاء. نخلط الزبدة و السكر ثم نضيف البيض. الفانيليا و النشاء ونكمل
الخلط مع اضافة الفرينة تدريجيا حتى نتحصل على عجينة. بعدها نقسمها الى
كريات صغيرة ثم نحشي بها قوالب التارتوليت و نثقبها بالشوكة و نضع فيها
أكواب ورقية(les caissettes) و نضع فيها قليل من الحبوب الجافة (لوبيا أو
حمص) ثم ندخلها الثلاجة حتى تحافظ على شكلها ثم ندخلها الفرن حتى يصبح
لونها ذهبيا. بعدها نزيينها بالكريمة و المرنغ.
بالصحة و الراحة
تحلياتبسبوسة جوز الهند
المقادير:
4 بيضات
كأس سكر
كأس زيت
كأس حليب
كأس سميد ناعم
كأس فرينة
كأس و نصف جوز الهند
2 خميرة الحلوى
مبشور البرتقال
الشاربات:
2 كؤوس سكر
2 كؤوس ماء
نصف كأس عسل
الطريقة:
الشاربات:
في كسرونة على النار. نخلط المكونات حتى يتمازجوا.
البسبوسة:
في وعاء. نخلط بالمضرب الكهربائي المكونات حتى نتحصل على خليط. ثم نفرغه
في صينية الفرن(تكون مدهونة بالزبدة و ندخلها الفرن حتى يصبح لونها ذهبيا.
بعدها نسقيها بالشاربات.
بالصحة و الراحة
تحليات,بسكويت رولي
المقادير:
4 بيض
كأس و نصف فرينة
كأس سكر
ملعقة صغيرة فانيليا
كيس خميرة الحلوى
التزيين:
كريمة شانتيي(ممزوجة بذوق كراميل)
الطريقة:
في وعاء. نخلط بالمضرب الكهربائي البيض. السكر و الفانيليا حتى يتضاعف
الحجم.ثم نضيف الفرينة و الخميرة و نخلط بالمضرب اليدوي حتى نتحصل على
خليط. بعدها نفرغه في صينية بها ورق الطهي و ندخلها الفرن حتى يصبح
لونها(العجينة) ذهبيا. بعدها نضع العجينة في ورق آخر و نشمخها بعصير برتقال
و نضع فيها الكريمة و نلفها و ندخلها الثلاجة. بعدها نزيينها بالكريمة و
الكراميل.
بالصحة و الراحة
0 التعليقات: